الدارمي اهدي الى حبيبتي الوحيده والتي تركتني وحيدا !!!!! الله يجازيها
وجهك گمر يهواي وعيونك انجوم *** والشعر فوگ الراس صايرلك غيوم
حوار بين شخصين
الاول..
سلمت مارديت فهمني قصــــــــــدك
شنهوالي بالك ليش خايف نحســـــدك
الثاني..
مو حسد لا والله دايـخ تراني *** وهمومي كومه اهموم همهن عماني
الاول..
صدگني كلها اتروح تصبح سوالف *** لوماضحك كل ساع چاعگلي تالف
الثاني..
ضحكني بعد ارجوك ضحكني ضحكه *** والحزن لو بوراق چاهسه احركـه
الاول..
اضحك بعد ورتاح ريح دليلك *** وگليبي عد عيناك صـاير خليلك
الثاني..
شكرا صديقي اهواي والله اليسـرك *** شفت انه بيك الخير يامحله درك
الاول..
الشكر بس لله ماغيره نشكر
*** خلينه ندعي اليوم بس هوه نذكر
الثاني..
ياربي يا رحمن انصـر بلدنه *** والكرم عدنه اهواي ذبيته عدنه
الدارميات منقوله
تحياتي وتقديري
فاروق راضي
الثلاثاء يناير 01, 2008 10:06 am
